انت عارف ليه ربنا اخفي عننا موعد الموت

انت عارف ليه ربنا اخفي عننا موعد الموت

Mohamed kamel 9:34 ص

انت عارف ليه ربنا اخفي عننا موعد الموت .. موضوع النهاردة يا جماعة هنتكلم فيه مع بعض عن سؤال مهم جداً وهو .. انت فعلاً عارف ليه ربنا سبحانه وتعالي اخفي علينا موعد الموت او ميعاد الموت .. ليه ياتري الموت احنا مانعرفش ميعاده ؟؟ ده موضوع من وجهة نظري مهم جداً .. وده من نعم ربنا علينا اننا مانعرفش ميعاد الموت او ان ميعاد الموت يكون مفاجئ بشكل او بأخر ..

قال ربنا سبحانه وتعالى في القرآن الكريم : 

( كل نفس ذائقة الموت ) 

وقال تعالى أيضاُ : 

( كل من عليها فان ويبقى وجه ربك ذو الجلال والاكرام ) 

صدق الله العظيم 

تعالو بقي مع بعض عشان نعرف اكثر عن الحكمة العظيمة اللي ربنا جعلها في انه يخفي عننا ميعاد الموت .

لما سألو الشيخ الشعراوي ليه الموت احنا مش عارفين ميعاده .. 

فضيلة الشيخ محمد متولي الشعراوي رحمة الله عليه وسكنه الله فسيح جناته قال في الموضوع ده ايه : 

" لقد وضع الله سبحانه وتعالى من خصائص الموت مايجعل الانسان يفيق من غرور 

وجاه الدنيا بقدرة الله سبحانه وتعالى . . فأخفى الله موعد الموت "

ليه بقي ياعم الشيخ ..

فضيلة الشيخ قال عشان يتوقع الانسان في أي لحظة ان الموت جاي جاي .. فكل ما يغتر الانسان يقوم يتذكر انه ممكن يفارق الدنيا بعد ساعة او ساعات فيرجع عن غروره ويقوم يرجع الى الله ويبطل يكون طاغية في الحياة او بمعني ادق يكون رادع للي بيحاول انه يكون متسلط او جبار . 

وقال برضه " فضيلة الشيخ " انه لو كان ربنا عرف كل واحد فينا بميعاد اجله او ميعاد الموت بتاعه .. كانت الدنيا بقت مليانة معاصي وذنوب وعصينا لله وطغينا في الحياة وكنا هنشوف ظلم للناس من الناس 

وبعد كدة نيجي قبل الميعاد ونتوب بكام شهر .. وفي الحالة دي تتنافي الحكمة من الحياة .. وهي ان كل واحد بيعمل للآخرة .

وطبعاً اخفاء ربنا سبحانه وتعالى موعد الموت هوا اعلم به .. ذلك ان اخفاء الموت يعني ان الانسان ممكن يتوقع الموت في اي ثانية 

وعشان كدة ان الانسان اذا كان عاقل هتكون عينه على الدنيا وعينه الثانية على الاخره 

فاذا اركب معصية عهو لا يعرف هل سيمد الله اجله الى ان يرتكب المعصية ويتوب 

ام ان اجله قد ياتي وقت وتكاب المعصية فلا يجد الوقت للتوبه 

وما يقال عن المعصية يقال عن العمل الصالح فلو ان موعد الموت 

معلوم لا جل الانسان العمل الصالح الى اخر حياته ولكن الله يريد ان يكون الصلاح 

ممتد اطول الزمن ولذلك اخفى موعد الموت ليجعل الناس يقومو بالاعمال الصالحة قبل ان ياتي الاجل 

فـ كان اخفاء ميعاد الموت ده فيه رحمة من ربنا للبشر . . الرحمة دي بأن هما يخافوا المعصية انها ممكن تيجي مع الاجل ورحمة بأن يسارعو في الخيرات حتى لا يفاجئهم الاجل ؟؟ 

(( سبحان الله العظيم . سبحانه وبجمده نستغفره ونتوب اليه ))   

انت عارف ليه ربنا اخفي عننا موعد الموت .. موضوع النهاردة يا جماعة هنتكلم فيه مع بعض عن سؤال مهم جداً وهو .. انت فعلاً عارف ليه ربنا سبحانه وتعالي اخفي علينا موعد الموت او ميعاد الموت .. ليه ياتري الموت احنا مانعرفش ميعاده ؟؟ ده موضوع من وجهة نظري مهم جداً .. وده من نعم ربنا علينا اننا مانعرفش ميعاد الموت او ان ميعاد الموت يكون مفاجئ بشكل او بأخر ..